training
2024-11-29 - 2024-11-29
ຈຸດປະສົງຂອງການຝຶກອົບຮົມໃນຄັ້ງນີ້ ແມ່ນແນ່ໃສ່ເພື່ອສ້າງເຂັ້ມແຂງ ໃຫ້ນັກຝຶກອົບຮົມທີ່ນອນຢູ່ໃນກຸ່ມເປົ້າໝາຍໂຄງການ ໄດ້ມີຄວາມເຂົ້າໃຈ, ມີຄວາມສາມາດຂັ້ນພື້ນຖານຂອງຕົນເອງໃນການປັບຕົວ ແລະ ການເລືອກທາງເດີນຊີວິດທີ່ເໝາະສົມ ເພື່ອສາມາດແກ້ໄຂບັນຫາຕ່າງໆ ທີ່ຢູ່ຮອບຕົວໃນສັງຄົມປະຈຸບັນ ແລະ ກຽມພ້ອມສຳລັບອານາຄົດ ໄດ້ຢ່າງມີປະສິດທິພາບ ໂດຍອາໃສການຮັບເອົາບົດຮຽນໃນການຝຶກອົບຮົມໃນຫົວຂໍ້ຕ່າງໆທີ່ເປັນການເສີມສ້າງທັກສະຊີວິດ. ຄຽງຄູ່ກັນນັ້ນ ເພື່ອເປັນການຕໍ່ຍອດໃຫ້ແກ່ການຝຶກອົບຮົມໃນຫົວຂໍ້ອື່ນໆທີ່ກ່ຽວຂ້ອງ ແລະ ຝຶກອົບຮົມອາຊີບ ນັ້ນກໍເພື່ອເປັນສິ່ງຈູງໃຈ, ກະຕຸກຊຸກຍູ້ໃຫ້ນັກຝຶກອົບຮົມ ຫຼື ກຸ່ມເປົ້າໝາຍໂຄງການ ເຫັນໄດ້ຄວາມສຳຄັນ ແລະ ຜົນດີໃນການປະກອບອາຊີບຢູ່ໃນຖີ່ນຖານບ້ານເກີດຂອງຕົນ ໃຫ້ເກີດມີຄວາມຮັກ-ມັກໃນອາຊີບຂອງຕົນ ແລະ ນຳໃຊ້ທ່າແຮງຂອງຕົນທີ່ມີເພື່ອສ້າງວຽກເຮັດງານທຳດ້ວຍຕົນເອງໃນທ້ອງຖີ່ນ ແລະ ກາຍເປັນຜູ້ປະກອບການໃນອານາຄົດ, ໃຫ້ມີລາຍໄດ້ທີ່ໜັ້ນຄົງ, ສາມາດແກ້ໄຂຄວາມທຸກຍາກ ແລະ ຍົກລະດັບຊີວິດການເປັນຢູ່ໃຫ້ດີຂຶ້ນ, ທັງເປັນການປະກອບສ່ວນເຂົ້າໃນການພັດທະນາເສດຖະກິດຂອງທ້ອງຖິ່ນໃຫ້ເຂັ້ມແຂງ.
ເມືອງໄຊ
